Category: photo diary


Kranji War Memorial

May 20th, 2010 — 1:41am

ပြီးခဲ့တဲ့ စနေနေ့ (၁၅၊ ၅၊ ၂၀၁၀) မနက် စောစောစီးစီး လူပုံ(portrait)ဓာတ်ပုံရိုက်ဖို့ Kranji War Memorial ကို ရောက်ဖြစ်တယ်။ နောင်တော်ဓာတ်ပုံ ဆာများဖြစ်တဲ့ ဆာညီမောင် စီစဉ်ပြီး ဆာသုမင်းလှိုင်လည်း ပါတယ်။ ဝင်ပေါက်ကလှမ်းကြည့်ရင် အောက်က မြင်ကွင်းကို မြင်ရမယ်။ မနက်စောစောစီးစီးချိန်မို့ ခပ်အေးအေး နေလို့ကောင်းတယ် ပက်ဝန်းကျင်မှာ မြက်ရိတ်တဲ့ကုလားတွေကလွဲရင် လူမရှိ နားအေးပါးအေးရှိတယ် ဆိုရမလား…။

ဂူတွေ ဂူတွေ… ၁၁နာရီလောက်ကျတော့ နေလည်း တော်တော်ပူလာတယ် ဖော်ရိန်နာတွေလည်း ဆွေတော်မျိုးတော်တွေ လာကြည့်ဖို့ ရောက်လာကြသဗျ။ ရန်ကုန်မိဘမဲ့ဂေဟာမှာ ဆယ်တန်းကျူရှင်သင်ခဲ့တဲ့ ဆရာတွေနဲ့ သွားလှူတုန်းက အဲဒီ မျက်နှာချင်းဆိုင်က စစ်သင်းချိုင်းကို ရောက်ခဲ့တယ်။ ဒီ့ထက် ပိုခမ်းနားတယ်ခံစားရတယ်။

နောက်ဆုံးပုံက အပေါ်ဆုံးပုံထဲက အဆောက်အဦးကြီးရဲ့ ကျောဖက်ပုံပါ။ အတွင်းနံရံတွေ အားလုံးမှာလည်း နာမည်တွေ အပြည့်ပါပဲ။ စစ်ကြောင့်သေ စစ်ကြောင့်ကြေ တိုင်းပြည်အတွက်ပဲ အသက်စွန့်စွန့် ဘာနဲ့ပဲ ရေးထိုး မှတ်တမ်းတင်တင်… ပျက်စီးသွားတာတွေ လူ့အသက်တွေ အလှဲအလှယ်က တန်ပါ့မလား။ နှိုင်ငံရေးဆိုတာ လျှင်သူစားတမ်း ပါပဲ။

ဒါနဲ့ အပေါ်ဆုံးပုံက lightroom 2.2 နဲ့ တည်းဖြတ်(edit) လုပ်ပြီး အောက်က ၂ ပုံက lightroom ကနေ photoshop CS 4 ကို export လုပ်ပြီး PS မှာပဲ edit လုပ်ပါတယ်။ lightroom အဓိက သုံးဖြစ်တာကတော့ ဓာတ်ပုံတွေကို raw နဲ့ ရိုက်လို့ပါ။ (ဓာတ်ပုံစိတ်ဝင်စားသူများ အတွက် =D အဲနေ့က အဲမှာ ရိုက်ဖြစ်တဲ့ portrait တွေ အဆင်ပြေရင် နောက်ပို့စ်မှာ တင်ပါဦးမယ် =)

7 comments » | photo diary

Around My Apartment

April 29th, 2010 — 5:30pm

ကျနော့်အိမ်ရဲ့မျက်နှာချင်းဆိုင်က တိုက်တွေရဲ့ အနောက်ဖက် မှာ ကွန်ကရစ်ခပ်ကျယ်ကျယ် လမ်းတစ်ခုရှိတယ်။ တစ်ရက် နေ့လည်စာ စားအပြီး အဲလမ်းအဆုံးထိလျှောက်ကြည့်တာ အဆုံးက လမ်းတစ်ဖက်တစ်ချက်မှာ ပုံဖော်ထားတဲ့ ဒီအပင်တွေ့လို့ လှတယ်ထင်လို့ ရိုက်ဖြစ်သွားတယ်။ Boonlay Ave က တိုက်တွေက တော်တော်ဟောင်းနေပြီဗျ အိမ်ပြောင်းတုန်းက အငှားကား မောင်းတဲ့လူက ကျနော်ပြောင်းတဲ့အိမ်ကို လက်ညိုးထိုးပြီး လူတွေနေကြသေးလို့လား မေးသဗျ သူသိတာ ဒါတွေက ဖျက်ဖို့ပဲကျန်တော့လို့ ဘယ်စလုံးမှ မနေတော့ဘူးတဲ့။ ဖျက်တာမဖျက်တာတော့ မသိဘူး စလုံးတွေ မနေတာတော့ သေချာတယ်။

ကျနော်လက်ရှိနေတဲ့ တစ်တိုက်လုံး မြန်မာနဲ့ကုလား ၂မျိုးပဲရှိတယ်။ အောက်ဆုံးထပ်က ကုလားက စနေ တနင်ဂနွေဆို သံသေးသံကြောင် ကုလားအိုကေ (karaoke) နဲ့ဖျော်ဖြေသဗျ။ ကျနော်နေတာက သုံးလွှာမှာ။ ကိုယ့်အခန်းက အောက်ကိုလှေကားနဲ့ ဆင်းရင် မြန်မာကလေးတွေစာသင်သံ မနက်ဖက်ပိုင်းဆို တရားခွေသံ ထမင်းသွားစားရင် အိမ်နားက မြန်မာဆိုင်မှာ အို စင်ကျားပူရောက်နေတယ်ပြောလို့တောင် မရတော့ပါဘူး။ မြန်မာတွေ အနေများတဲ့ foodcourt မှာတော့ ကျားဘီယာတွေ အတော်ရောင်းတယ်ဗျ။ နောက် ကျနော်တို့ မြန်မာတွေက ဘီယာကို ဆတိုးသောက်တာဗျ ၂ခွက်ခွဲလောက်သောက်လိုက် သေးထပေါက်လိုက် သောက်တာမျိုး ၁နေ့ထက် ၁နေ့ပိုပို သောက်တာမျိုး ပြောရမလားမသိပါဘူး။

အိမ်နားအကြောင်းတော့ ဂလောက်ပါပဲ။ နောက်များကြုံရင် အိမ်က မီးဖိုချောင် မြင်ကွင်းလေး ထပ်တင်ပါဦးမယ်။

^_^

Phyo Maw

11 comments » | photo diary

     

↑ Back to top